როდემდე შენარჩუნდება ცივი და თოვლიანი ამინდი?
საქართველოში ცივი და თოვლიანი ამინდი 11 დეკემბრამდე შენარჩუნდება. მაღალმთიან რაიონებში იქნება ქარბუქი. ღამის საათებში მოსალოდნელია ძლიერი ყინვა. კერძოდ, დაბლობსა და ბარში -3; -8 გრადუსი, შიდა ქართლში - -15 გრადუსამდე, მაღალმთიან რაიონებში - -17-დან -22 გრადუსამდე. 10 – 11 დეკემბერს ქვეყნის ტერიტორიის უმეტეს ნაწილზე კვლავ მოსალოდნელია ნალექი, მთაში თოვლის სახით. იქროლებს ძლიერი ქარი, მაღალ მთაში კი ქარბუქი იქნება.