მაია რჩეულიშვილის ჯანმრთელობის მდგომარეობა გაუარესდა - როგორია პროკურატურის პოზიცია?
"ცენტრ პოინტის" საქმის პროკურორის, დავით გუმბერიძის განცხადებით, ჯანმრთელობის მდგომარეობის გაუარესების გამო მაია რჩეულიშვილისთვის აღკვეთის ღონისძიების შეცვლის პოზიციას ბრალდების მხარე არ დაეთანხმება. ამის შესახებ პროკურორმა ჟურნალისტებს "ცენტრ პოინტის" საქმის ე.წ. ბათუმის "მაგნოლიის" ეპიზოდზე, თბილისის საქალაქო სასამართლოში დღეს დაგეგმილი სასამართლო პროცესის დაწყებამდე განუცხადა. როგორც გუმბერიძემ აღნიშნა, სახელმწიფო ბრალდებას "ცენტრ პოინტის" დამფუძნებლის, მაია რჩეულიშვილის ჯანმრთელობის მდგომარეობის გაუარესების შესახებ ინფორმაცია არ გააჩნია.