ე.წ. მიშას გუნდის შეფასება "ნაციონალური მოძრაობის" სავარაუდო დაშლასთან დაკავშირებით
გავრცელებულ ინფორმაციას იმის შესახებ, რომ შესაძლოა ე.წ. ბოკერია-უგულავას ფრთის წარმომადგენლებმა ”ნაციონალური მოძრაობა” 12 იანვარს დატოვონ მიხეილ სააკაშვილის გუნდის წევრები ეხმიანებიან. "ნაციონალური მოძრაობის" წევრ ნინო კალანდაძის განმარტებით, წლების განმავლობაში პარტია არაერთ ადამიანს დაუტოვებია, თუმცა, მისივე განმარტებით, აღნიშნული ფაქტი პარტიისთვის საფრთხეს არ წარმოადგენს. მისივე თანამოაზრე ზურაბ მელიქიშვილი კი აცხადებს, რომ მათი გადაწყვეტილების მიუხედავად, პარტია რჩება იმავე ღირებულებების ერთგული.