რატომ არ შეუშვეს ისრაელში საქართველოს 23 მოქალაქე?
ისრაელში საქართველოს 23 მოქალაქე არ შეუშვეს. ისინი სადეპორტო დაწესებულებაში გადაიყვანეს. მესაზღვრეებს ეჭვი გაუჩნდათ, რომ მოქალაქეები ისრაელში დარჩენას არალეგალურად აპირებდნენ. ოჯახის წევრები აცხადებენ, რომ საქართველოს მოქალაქეები ცუდ პირობებში იმყოფებიან და არც წყალი და არც საკვები აქვთ. საქართველოს საგარეო უწყება იუწყება, რომ საქართველოს 23 მოქალაქის ისრაელიდან დეპორტაცია 26 იანვარს იგეგმება. სამინისტროს ინფორმაციით, საზღვრის დაცვის სამსახური დაკავებულებს საზღვრის უკანონოდ გადაკვეთას ედავება.