ყოფილმა "კანონიერმა ქურდმა" "გეგა ოზურგეტსკიმ" კიევის არალეგალების ბანაკში თანმხლები პირის მოკვლა სცადა
ყოფილი "კანონიერი ქურდი" "გეგა ოზურგეტსკი" კიევში დააკავეს. ის არალეგალების ცენტრში მოწყობილ ჩხუბსა და განზრახ მკვლელობის მცდელობაშია ბრალდებული. შემთხვევის შესახებ ბევრი არაფერია ცნობილი. გავრცელებული ინფორმაციით, "ექსკანონიერი ქურდი" თანმხლებ პირს თავს დაესხა. "გეგა ოზურგეტსკი", იგივე გიორგი კილაძე 20 წლის ასაკში "აკურთხეს ქურდად", ხოლო შემდგომში სტატუსი შეუჩერეს. კილაძე ამჟამად 25 წლისაა და მას უკრაინის ხელისუფლება დეპორტაციისთვის ამზადებდა.