"ბიბლუსმა" მის წინააღმდეგ გამოთქმული მცდარი ფაქტების უარყოფის მოთხოვნით სასამართლოს მიმართა
კომპანია "ბიბლუსი" საქმიანი რეპუტაციის შელახვისთვის, 9 თებერვალს გავრცელებული ვიდეომიმართვის ავტორებს სასამართლოში უჩივის და მათ მიერ გავრცელებული მცდარი ფაქტების უარყოფას ითხოვს. შესაბამისი სარჩელით "ბიბლუსმა" თბილისის საქალაქო სასამართლოს დღეს მიმართა. საუბარია იმ დროისთვის 4 მოქმედ და 2 ყოფილ თანამშრომელზე, რომლებმაც სოციალური ქსელით 9 თებერვალს ვიდეომიმართვა გაავრცელეს და კომპანიის მიმართ სხვადასხვა ბრალდება გააჟღერეს.