ჭყონდიდის ეპარქიის მონასტრისთვის ჩამორთმეული "ნივა" - ბერებისა და აბაშის გამგებლის ურთიერთგამომრიცხავი განცხადებები
აბაშის მუნიციპალიტეტის გამგებელი ეპარქიისთვის "ნივის" ჩამორთმევის ფაქტს ეხმაურება. მარტვილისა და აბაშის ეპარქიას ადგილობრივმა გამგეობამ "ნივის" მარკის ავტომობილი ჩამოართვა. აბაშის გამგებელი განმარტავს, რომ ეპარქიას მანქანა 5-წლიანი სარგებლის უფლებით ჰქონდა გადაცემული და ვადა მიმდინარე წლის 6 თებერვალს გავიდა. ამასთან, გამგებელი გამორიცხავს, რომ მათ ბალანსზე არსებული ქონების დაბრუნება მეუფე პეტრეს ბოლოდროინდელ განცხადებებს უკავშირდებოდეს, თუმცა სოფელ წაჩხურის ტაძრის მღვდლის, მამა დანიელის მტკიცებით, გამგეობამ ეპარქიას ავტომობილი 2012 წელს აჩუქა და ახლა წაართვა.