"რუსთავი 2"-ის მხარდამჭერი აქცია-კონცერტი რუსთაველის გამზირზე - პალიტრა ვიდეო

საქართველოს პარლამენტის შენობის წინ სამაუწყებლო კომპანია "რუსთავი 2"-ის მხარდამჭერი აქცია-კონცერტი იმართება. აქციის ორგანიზატორების  განცხადებით, მნიშვნელოვანია გადაწყვეტილება, რომელიც სტრასბურგის სასამართლომ ტელეკომპანია "რუსთავი 2"-თან დაკავშირებით მიიღო, თუმცა აცხადებენ, რომ ბრძოლა სიტყვის თავისუფლების დასაცავად გრძელდება და საზოგადოება ამ კუთხით აქტიური უნდა იყოს. აქციაზე აგრეთვე იმყოფებიან არასაპარლამენტო და საპარლამენტო ოპოზიციის წარმომადგენლები. აქციის გამო, რუსთაველის გამზირის ნაწილი გადაკეტილია.