პატრიარქმა სამების ტაძარში ბზა აკურთხა და მრევლი დალოცა
მართლმადიდებელი ეკლესია იერუსალიმში მაცხოვრის დიდებით შესვლას, ბზობის დღესასწაულს აღნიშნავს. კათოლიკოს-პატრიარქმა, უწმინდემა და უნეტარესმა ილია II -მ მოსახლეობას ბზობის ბრწყინვალე დღესასწაული მოილოცა და სამების საკათდრო ტაძარში საღმრთო ლიტურგია აღავლინა. დღესასწაულთან დაკავშირებით მრევლი ტაძრებში ბზის რტოებით და სანთლებით მივიდა. ბზობის დღესასწაულის გამო დიდმარხვის ეს დღე თევზით ხსნილია. შემდეგი ერთი კვირა კი მორწმუნეთათვის განსაკუთრებით მძიმეა, რადგან ორშაბათიდან ვნების შვიდეული იწყება.