პრეზიდენტი მიიჩნევს, რომ პარლამენტის თავმჯდომარე შეცდომაშია შეყვანილი
პრეზიდენტი მიიჩნევს, რომ პარლამენტის თავმჯდომარე შეცდომაშია შეყვანილი. ასე გამოეხმაურა გიორგი მარგველაშვილი ირაკლი კობახიძის განცხადებებს, რომლის მიხედვითაც პრეზიდენტი სხვადასხვა პოლიტიკურ პარტიებთან და არასამთავრობო ორგანიზაციებთან საკონსტიტუციო კომისიის დატოვებასთან დაკავშირებით კონსულტაციებს მართავდა. " როდესაც კეთდება ასეთი განცხადებები შეთქმულების თეორიაზე, ეს არის გარკვეულად შეცდომაში შეყვანილი ადამიანი, რომელსაც რაღაც უთხრეს და დაიჯერა, მე არ მგონია მოიგონა და რომ ეს მიზანმიმართულად იყოს გაკეთებელი", - განაცხადა პრეზიდენტმა ტელეკომპანია "კავკასიის" ეთერში.