გიორგი მარგველაშვილი მეუღლესა და შვილთან ერთად ქანდის ტაძარში - პრეზიდენტის ოჯახს მამა სერაფიმემ უმასპინძლა
საქართველოს პრეზიდენტი ოჯახის წევრებთან ერთად, ცამეტი ასურელი მამის ხსენების დღისადმი მიძღვნილ სადღესასწაულო წირვას სოფელ ქანდაში, ცამეტი ასურელი მამის სახელობის ტაძარში დაესწრო. ტაძარში, სადაც წირვა ქართულ-არამეულ ენაზე პატრიარქის კურთხევით უკვე 5 წელია აღევლინება, პრეზიდენტს, პირველ ლედის და მისი ოჯახის წევრებს მამა სერაფიმემ უმასპინძლა. მამა სერაფიმემ პრეზიდენტს საჩუქრად ხატი გადასცა.