პირდაპირი ეთერის ჩანაწერი რუსთაველის გამზირიდან, სადაც "ბირჟა მაფიას" წევრების დაკავებას აპროტესტებენ
პირდაპირი ეთერი აღდგენილია: ამ მომენტისათვის გთავაზობთ "რადიო თავისუფლების" პირდაპირი ეთერის რეტრანსლაციას.
ეს არის უწყვეტი პირდაპირი ეთერი რუსთაველის გამზირიდან, სადაც "ბირჟა მაფიას" წევრების დაკავებას აპროტესტებენ. აქცია "თეთრი ხმაურის მოძრაობის" ორგანიზატორია. იქ იმყოფებიან დაკავებული რეპერების ოჯახის წევრები და მხარდამჭერებიც.
უწყვეტი პირდაპირი ეთერი რუსთაველის გამზირიდან Palitravideo.ge-სთვის ნიკა საჯაიას და გიორგი ფარქოსაძეს მიჰყავთ.
განახლება: გიორგი კვირიკაშვილის მიერ, ახლახანს გაკეთებული განცხადება ნარკოპოლიტიკასთან დაკავშირებით
"მსურს, გამოვეხმაურო ნარკოტიკული საშუალებების უკანონოდ შეძენა-შენახვის ფაქტზე დაკავებული ახალგაზრდების, მიხეილ მგალობლიშვილის და გიორგი ქებურიას საქმეს. უპირველეს ყოვლისა, უნდა აღვნიშნო, რომ ადამიანის უფლებების განუხრელი დაცვა ჩვენი ერთ-ერთი უმთავრესი მონაპოვარია, რომლისთვის ჩრდილის მიყენების შესაძლებლობა არ უნდა დავუშვათ. ფაქტია, რომ კანონმდებლობა ნარკოპოლიტიკის თვალსაზრისით არის ზედმეტად მკაცრი და საჭიროებს ლიბერალიზაციას.
ამიტომ, თხოვნით მივმართავ პარლამენტს, დაჩქარდეს ამ საკითხზე მუშაობა, რათა საშემოდგომო სესიისთვის მაინც მოვასწროთ სახეცვლილი, ჰუმანური და ევროპული სტანდარტების შესაბამისი კანონის მიღება. მინდა, აგრეთვე მივმართო ახალგაზრდობას - ჩვენი მთავრობის ნებისმიერი ნაბიჯი და გადაწყვეტილება არის მიმართული იმისკენ, რომ თქვენ, ჩვენი ქვეყნის მომავალს შეგიქმნათ თავისუფალი და ცივილიზებული გარემო. ჩვენმა თაობამ კარგად ვიცით და გამოვცადეთ საკუთარ თავზე, როგორი არ უნდა იყოს სისტემა და მაქსიმალური ძალისხმევა გვაქვს მიმართული ისეთი ქვეყნის შესაქმნელად, სადაც სიტყვის, გამოხატვის თავისუფლება, პიროვნული ინდივიდუალიზმი იქნება არა დაპირება, არამედ - ფაქტი.
არც ერთი ახალგაზრდა , არც ერთი მოქალაქე ამ ქვეყანაში ჩვენი ხელისუფლების პირობებში გამოხატვის თავისუფლების გამო არ დასჯილა და არც მომავალში დგას ჩვენი საზოგადოება ამ საფრთხეების წინაშე. რაც შეეხება კონკრეტულად ამ ორი ახალგაზრდის დაკავებასთან დაკავშირებულ ვითარებას, პროკურატურამ გააკეთა განცხადება, რომ უმოკლეს ვადაში შეისწავლის აღნიშნული საქმის ფაქტობრივ გარემოებებს. შესაბამისად, სამართალწარმოების პროცესი ჯერ დასრულებული არ არის“, - ნათქვამია პრემიერის განცხადებაში.
ლაივსტრიმის ჩანაწერი 1
ლაივსტრიმის ჩანაწერი 2
ლაივსტრიმის ჩანაწერი 3
რა ვიცით "ბირჟა მაფიას" საქმის შესახებ
ნარკოდანაშაულისთვის დაკავებულ რეპერს, ჯგუფ birja mafia-ს წევრ მიხეილ მგალობლიშვილს აღკვეთის ღონისძიების სახით პატიმრობა შეეფარდა, - აღნიშნული გადაწყვეტილება თბილისის საქალაქო სასამართლოს მოსამართლემ მიიღო.
პროკურატურა მგალობლიშვილისთვის აღკვეთის ღონისძიების სახით პატიმრობის შეფარდებას ითხოვდა. თავის მხრივ დაცვის მხარემ დააყენა შუამდგომლობა მგალობლიშვილისთვის 50 000 ლარიანი გირაოს შეფარდებაზე.
როგორც თავად ბრალდებულმა აღნიშნა, ნარკოტიკული საშუალება, რომელიც მას ამოუღეს, თავად არ ეკუთვნის და ის პოლიციამ ჩაუდო. მისივე თქმით, აღნიშნული ნარკოტიკული საშუალება პოლიციამ იმის გამო ჩაუდო, რომ მისმა ჯგუფმა საკუთარი კლიპით პოლიცია გააშარჟა.
საბოლოოდ მოსამართლემ არ გაიზიარა დაცვის მხარის შუამდგომლობა და მიხეილ მგალობლიშვილს აღკვეთის ღონისძიების სახით პატიმრობა შეუფარდა.
ეს არის უწყვეტი პირდაპირი ეთერი რუსთაველის გამზირიდან, სადაც "ბირჟა მაფიას" წევრების დაკავებას აპროტესტებენ. აქცია "თეთრი ხმაურის მოძრაობის" ორგანიზატორია. იქ იმყოფებიან დაკავებული რეპერების ოჯახის წევრები და მხარდამჭერებიც.
უწყვეტი პირდაპირი ეთერი რუსთაველის გამზირიდან Palitravideo.ge-სთვის ნიკა საჯაიას და გიორგი ფარქოსაძეს მიჰყავთ.
განახლება: გიორგი კვირიკაშვილის მიერ, ახლახანს გაკეთებული განცხადება ნარკოპოლიტიკასთან დაკავშირებით
"მსურს, გამოვეხმაურო ნარკოტიკული საშუალებების უკანონოდ შეძენა-შენახვის ფაქტზე დაკავებული ახალგაზრდების, მიხეილ მგალობლიშვილის და გიორგი ქებურიას საქმეს. უპირველეს ყოვლისა, უნდა აღვნიშნო, რომ ადამიანის უფლებების განუხრელი დაცვა ჩვენი ერთ-ერთი უმთავრესი მონაპოვარია, რომლისთვის ჩრდილის მიყენების შესაძლებლობა არ უნდა დავუშვათ. ფაქტია, რომ კანონმდებლობა ნარკოპოლიტიკის თვალსაზრისით არის ზედმეტად მკაცრი და საჭიროებს ლიბერალიზაციას.
ამიტომ, თხოვნით მივმართავ პარლამენტს, დაჩქარდეს ამ საკითხზე მუშაობა, რათა საშემოდგომო სესიისთვის მაინც მოვასწროთ სახეცვლილი, ჰუმანური და ევროპული სტანდარტების შესაბამისი კანონის მიღება. მინდა, აგრეთვე მივმართო ახალგაზრდობას - ჩვენი მთავრობის ნებისმიერი ნაბიჯი და გადაწყვეტილება არის მიმართული იმისკენ, რომ თქვენ, ჩვენი ქვეყნის მომავალს შეგიქმნათ თავისუფალი და ცივილიზებული გარემო. ჩვენმა თაობამ კარგად ვიცით და გამოვცადეთ საკუთარ თავზე, როგორი არ უნდა იყოს სისტემა და მაქსიმალური ძალისხმევა გვაქვს მიმართული ისეთი ქვეყნის შესაქმნელად, სადაც სიტყვის, გამოხატვის თავისუფლება, პიროვნული ინდივიდუალიზმი იქნება არა დაპირება, არამედ - ფაქტი.
არც ერთი ახალგაზრდა , არც ერთი მოქალაქე ამ ქვეყანაში ჩვენი ხელისუფლების პირობებში გამოხატვის თავისუფლების გამო არ დასჯილა და არც მომავალში დგას ჩვენი საზოგადოება ამ საფრთხეების წინაშე. რაც შეეხება კონკრეტულად ამ ორი ახალგაზრდის დაკავებასთან დაკავშირებულ ვითარებას, პროკურატურამ გააკეთა განცხადება, რომ უმოკლეს ვადაში შეისწავლის აღნიშნული საქმის ფაქტობრივ გარემოებებს. შესაბამისად, სამართალწარმოების პროცესი ჯერ დასრულებული არ არის“, - ნათქვამია პრემიერის განცხადებაში.
ლაივსტრიმის ჩანაწერი 1
ლაივსტრიმის ჩანაწერი 2
ლაივსტრიმის ჩანაწერი 3
რა ვიცით "ბირჟა მაფიას" საქმის შესახებ
ნარკოდანაშაულისთვის დაკავებულ რეპერს, ჯგუფ birja mafia-ს წევრ მიხეილ მგალობლიშვილს აღკვეთის ღონისძიების სახით პატიმრობა შეეფარდა, - აღნიშნული გადაწყვეტილება თბილისის საქალაქო სასამართლოს მოსამართლემ მიიღო.
პროკურატურა მგალობლიშვილისთვის აღკვეთის ღონისძიების სახით პატიმრობის შეფარდებას ითხოვდა. თავის მხრივ დაცვის მხარემ დააყენა შუამდგომლობა მგალობლიშვილისთვის 50 000 ლარიანი გირაოს შეფარდებაზე.
როგორც თავად ბრალდებულმა აღნიშნა, ნარკოტიკული საშუალება, რომელიც მას ამოუღეს, თავად არ ეკუთვნის და ის პოლიციამ ჩაუდო. მისივე თქმით, აღნიშნული ნარკოტიკული საშუალება პოლიციამ იმის გამო ჩაუდო, რომ მისმა ჯგუფმა საკუთარი კლიპით პოლიცია გააშარჟა.
საბოლოოდ მოსამართლემ არ გაიზიარა დაცვის მხარის შუამდგომლობა და მიხეილ მგალობლიშვილს აღკვეთის ღონისძიების სახით პატიმრობა შეუფარდა.