loader

შსს-ს მიერ გადაღებული შიდაკადრები, რომელშიც ჩანს, როგორ გამოიყურება დანახშირებული ელიავას ბაზრობა ხანძრის შემდეგ - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

შსს-ს მიერ გადაღებული შიდაკადრები, რომელშიც ჩანს, როგორ გამოიყურება დანახშირებული ელიავას ბაზრობა ხანძრის შემდეგ

კადრები, რომელშიც ჩანს, როგორ გამოიყურება ხანძრის შედეგად გადამწვარი ჯიხურები ელიავას ბაზრობაზე, შსს-მ საკუთარი საიტის საშუალებით გაავრცელა.

"შსს-ს საგანგებო სიტუაციების მართვის სააგენტოს თანამშრომლების ოპერატიული რეაგირების შედეგად, ე.წ. ელიავას ბაზრობაზე ხანძარი ლიკვიდირებულია.
გადაუდებელი დახმარების ოპერატიული მართვის ცენტრ „112“-ში შევიდა შეტყობინება იმის შესახებ, რომ აგლაძის ქუჩაზე ავტონაწილების რამდენიმე მაღაზია იწვოდა. შეტყობინების მიღებისთანავე, შინაგან საქმეთა სამინისტროს საგანგებო სიტუაციების მართვის სააგენტოს სახანძრო-სამაშველო ჯგუფები შემთხვევის ადგილზე ოპერატიულად გავიდნენ.
2500 კვ/მ-მდე ფართობზე გავრცელებული ხანძრის ჩასაქრობად 30-მდე სახანძრო-სამაშველო ტექნიკა და 150-მდე მეხანძრე-მაშველი მუშაობდა.
მიუხედავად ხანძრის მასშტაბებისა, მეხანძრეების ოპერატიული რეაგირების შედეგად, ხანძრის ლოკალიზება მოხდა. შსს-ს საგანგებო სიტუაციების მართვის სააგენტოს სახანძრო-სამაშველო ჯგუფები, პრევენციის მიზნით, მთელი ღამის განმავლობაში ახორციელებდნენ შემთხვევის ადგილზე პატრულირებას.
აღნიშნულ ფაქტზე გამოძიება შსს-ს თბილისის პოლიციის დეპარტამენტის დეტექტივების სამმართველომ სსკ-ის 187-ე მუხლით დაიწყო", - ნათქვამია უწყების მიერ გავრცელებულ ოფიციალურ განცხადებაში.