რომელმა პარტიამ მიიღო ყველაზე მეტი შემოწირულობა ბოლო 1 თვეში და ვის შესწირეს მხოლოდ 20 ლარი - პალიტრა ვიდეო

"ქართულმა ოცნებამ“ მიმდინარე წლის აგვისტოში შემოწირულობის სახით 4 555 993 ლარი მიიღო. როგორც "ინტერპრესნიუსს" სახელმწიფო აუდიტის სამსახურში განუცხადეს, „ქართული ოცნების“ შემდეგ ყველაზე მეტი შემოწირულობა „ევროპულ საქართველოს“ ერიცხება, რომელსაც 287 439 ლარი შესწირეს. 9 769 ლარი შეადგინა ალექსანდრე ელისაშვილის ფონდის შემოწირულობამ. დანარჩენი პარტიების შემოწირულობები კი შემდეგნაირად განაწილდა: „გირჩი“ – 7 000 ლარი, „ნაციონალური მოძრაობა“ – 5 330 ლარი, „ეროვნული ფორუმი“ – 2 415 ლარი, „ეროვნულ-დემოკრატიული პარტია“ - 1 112 ლარი, „ერთიანი კომუნისტური პარტია“ – 136 ლარი, „რესპუბლიკური პარტია“ – 20 ლარი.

სულ პარტიების შემოწირულობებმა გასულ თვეში 4 869 215 ლარი შეადგინა.