რუსთავის "სტამბოლის ბაზრობის" მეწილე მოკლეს – მოკლული ყოფილი დეპუტატი და გენერალი იყო
რუსთავში, ე.წ. სტამბოლის ბაზრობის, შპს "ერთობის" ტერიტორიაზე მკვლელობა მოხდა. მოკლულია ბაზრობის ერთ-ერთი მეწილე სამსონ ქუთათელაძე, რომლის ცხედარიც სამუშაო კაბინეტში იპოვეს. მკვლელობა ცეცხლსასროლი იარაღითაა ჩადენილი. მომხდართან დაკავშირებით სისხლის სამართლის საქმე 108-ე, განზრახ მკვლელობისა და 236-ე - ცეცხლსასროლი იარაღის უკანონო შეძენა-შენახვის მუხლებითაა აღძრული.