კახა კალაძე - ჰარი-ჰარალე და გაურკვეველი მშენებლობები დედაქალაქში დამთავრდა
გაურკვეველი მშენებლობები დედაქალაქში დამთავრდა, - ამის შესახებ თბილისის მერმა ჟურნალისტებს განუცხადა. კალაძის თქმით, მერია არავის მისცემს საშუალებას, დედაქალაქში უკანონო მშენებლობები განახორციელოს. სამშენებლო კომპანია "სვეტს" რამდენიმე ობიექტზე მშენებლობა შეჩერებული აქვს. არსებული ინფორმაციით, "სვეტი" დიდუბეში საცხოვრებელ კომპლექსს მშენებლობის ნებართვის გარეშე აშენებდა, რის გამოც მშენებლობა თბილისის მერიის ზედამხედველობის სამსახურმა შეაჩერა.