ინციდენტი საბავშვო ბაღთან - რა მოხდა რუსთავში
საბავშვო ბაღთან მომხდარი ინციდენტის შედეგად მცირეწლოვანი ბავშვი დაზიანებებით ქალაქის ცენტრალურ საავადმყოფოში გადაიყვანეს. როგორც ''ქიდლენდის" მენეჯერი "ინფო რუსთავს" უყვება, მათი აღსაზრდელი მშობელს ბაღში შეჰყავდა, რა დროსაც ბავშვმა გზაზე მომავალ ავტომობილს წინ გადაურბინა და წაიქცა. ავტომანქანის მძღოლმა დროულად შეძლო დამუხრუჭება და შეჯახება არ მომხდარა. ადგილზე გამოძახებული იყო საპატრულო და სასწრაფო დახმარების ეკიპაჟი. მცირეწლოვანი სასწრაფო დახმარების ექიმებმა სამედიცინო დაწესებულებაში გადაიყვანეს.