თბილისში ღამის ეკონომიკის განვითარების პროექტს სერგი გვარჯალაძე უხელმძღვანელებს
თბილისში ღამის ეკონომიკის განვითარების პროექტს ტელეპროდიუსერი სერგი გვარჯალაძე უხელმძღვანელებს. ამის შესახებ თბილისის მერმა თბილისის მთავრობის სხდომაზე განაცხადა. კახა კალაძის თქმით, ეს წინასაარჩევნო დაპირება იყო და მერია აქტიურად მუშაობს ღამის ეკონომიკის განვითარებაზე. როგორც მან განმარტა, აღნიშნული პროექტი ძალიან მნიშვნელოვანი მიმართულებაა. მისივე თქმით, ეს ხელს უწყობს მცირე და საშუალო ბიზნესის განვითარებას და ახალი სამუშაო ადგილების შექმნას.