მეტროსადგურ "დიდუბეში" მამაკაცს მატარებელი დაეჯახა, რის გამოც მოძრაობა შეჩერებულია - პალიტრა ვიდეო

მეტროსადგურ "დიდუბეში" მატარებლების მოძრაობა შეჩერებულია. როგორც "ინტერპრესნიუსს" თბილისის მეტროპოლიტენში განუცხადეს, მატარებელი მამაკაცს დაეჯახა.

"დიდუბე-გოცირიძის ღია მონაკვეთზე, აკრძალულ ზონაში, მოძრაობდა, სავარაუდოდ, შუა ხნის მამაკაცი. მიუხედავად იმისა, რომ მემანქანემ დროულად დაამუხრუჭა, მაინც მოხდა დაჯახება. ველოდები პასუხს აღნიშნული მამაკაცის ჯანმრთელობის მდგომარეობასთან დაკავშირებით", - განაცხადეს თბილისის მეტროპოლიტენში.

მათივე ინფორმაციით, ადგილზეა სასწრაფო-სამედიცინო ბრიგადა, რომელიც დაშავებულს პირველად დახმარებას უწევს.

იხილეთ ასევე:

მამაკაცი, რომელიც მეტროსადგურ "დიდუბეში" ლიანდაგებში ჩავარდა, გარდაიცვალა