X
"კივილი დაიწყო... გაუსივდა ენა, ტუჩები" - ფოთში 6 წლის ბავშვმა ტკბილეულის ნაცვლად ქიმიური ნივთიერება „კროტი“ შეჭამა
17:23 / 10-05-2018
ფოთში 6 წლის ბავშვმა ტკბილეულის ნაცვლად მილების გასაწმენდი ქიმიური ნივთიერება ,,კროტი“ შეჭამა. არსებული ინფორმაციით, ბებიამ შვილიშვილისთვის მაღაზიაში ტკბილეული შეიძინა, სავარაუდოდ, შეფუთვა შეეშალათ და „კროტი“ მისცეს.
ბავშვი თავდაპირველად ქალაქის ცენტრალურ კლინიკურ საავადმყოფოში მიიყვანეს, თუმცა ოჯახის გადაწყვეტილებით, პაციენტი მ. იაშვილის კლინიკაში რეანომობილით გადაიყვანეს.
იაშვილის კლინიკის პრესსამსახურის ინფორმაციით, ბავშვის მდგომარეობა საშუალო სიმძიმის არის, იგი ტოქსიკოლოგიურ განყოფილებაშია მოთავსებული და შესაბამისი კვლევები უტარდება.
როგორც „ინტერპრესნიუსს“ შსს-ში განუცხადეს , ფაქტზე გამოძიება სსკ-ის 124-ე მუხლით დაიწყო, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით. მათივე ინფორმაციით, მაღაზიის გამყიდველი უკვე დაიკითხა და საგამოძიებო მოქმედებები მიმდინარეობს.
ბოლო სიახლეები
Autoplay
პოპულარული
რა ქონების მფლობელია არჩეული პრეზიდენტი? - ზურაბიშვილის ბინები თბილისში, პარიზში და საბანკო ანგარიშები...
ლეგენდარული "ჟიგული", რომელიც დიღმის მასივში, მე-4 სართულზე 20 წელზე მეტ ხანს იდგა, ჩამოიყვანეს