რა პრობლემები შეუქმნა სეტყვამ და გადაუღებელმა წვიმამ გორის რაიონს
ძლიერმა წვიმამ და სეტყვამ გორის რაიონში რამდენიმე სოფელიც დააზარალა. განსაკუთრებით რთული ვითარებაა მეჯვრისხევში, სადაც 12 საცხოვრებელი სახლი დაიტბორა. წყლის დიდი ნაკადი სანიაღვრე არხებმა ვერ გაატარა, რის გამოც დატბორილია ეზოები, საკარმიდამო ნაკვეთები და სახლის სარდაფები. წყალმა სახლის პირველ სართულებზეც შეაღწია. ადგილზე სახანძრო-სამაშველო ჯგუფები იყო მობილიზებული და ხდებოდა წყლის ამოტუმბვა. სტიქიისგან მიყენებულ ზარალს სპეციალური კომისია დაითვლის.