საქართველოში უნდა დამთავრდეს ეს მასკარადი - მარგველაშვილი გიორგი კვირიკაშვილის თანამდებობის დატოვებას გამოეხმაურა
პრეზიდენტი პრემიერ-მინისტრის, გიორგი კვირიკაშვილის მიერ თანამდებობის დატოვებას გამოეხმაურა და აღნიშნა, რომ ყოფილი პრემიერი ისეთი უმაღლესი თანამდებობის პირი იყო, რომელთან მუშაობაც მისთვის კომფორტული იყო. გიორგი მარგველაშვილი ამბობს, რომ საქართველოში უნდა დამთავრდეს ის მასკარადი, როცა გაუგებარი მიზეზებით მიდიან თანამდებობიდან წარმატებული პრემიერები, ხოლო გაუგებარი პრინციპით ირჩევიან ახალი პრემიერები. მარგველაშვილის თქმით, მან ეკონომიკურ პრობლემებზე პარლამენტში ისაუბრა, თუმცა სრული მიუღებლობა იყო.