რუსთავში 7 წლის ბავშვი დაჭრეს - რას ჰყვებიან თვითმხილველები
რუსთავში 7 წლის ბავშვი დაჭრეს. "ინფო რუსთავის" მიერ გავრცელებული ინფორმაციით, შემთხვევა ლეონიძის ქუჩაზე, #14 კორპუსის მიმდებარე ტერიტორიაზე მოხდა. როგორც თვითმხილველები ჰყვებიან, მოზარდი ეზოში საბავშვო ატრაქციონზე ერთობოდა, რა დროსაც მას ტყვია შემთხვევით მოხვდა. ექიმის განცხადებით, 7 წლის გოგონას ჭრილობა მუცლის არეში აქვს მიყენებული. დაშავებულს სავარაუდოდ, პნევმატური იარაღიდან ნასროლი ტყვია მოხვდა. მოზარდი რუსთავის ცენტრალურ საავადმყოფოში გადაიყვანეს.