მინდელის შახტი, სადაც ტრაგედია დატრიალდა, დალუქულია
მინდელის შახტი, სადაც ტრაგედია დატრიალდა, ისევ დალუქულია. „საქნახშირის“ გენერალური დირექტორი საკუთარ გადაწყვეტილებას აუქმებს და პრემიერის განკარგულებას ასრულებს. ადმინისტრაციის ხელმძღვანელი მეშახტეებს შახტში ჩასვლას და სამუშაოების შესრულებას აღარ სთხოვს. ეს ინფორმაცია მეშახტეებს მან თავად მიაწოდა, რომლებსაც ეზოში შეხვდა. ჯაყელმა მის მიერ გამოცემულ ბრძანებასთან დაკავშირებით ისაუბრა, რომლითაც ის მეშახტეებს სთხოვდა, რომ სამსახურში გამოცხადებულიყვნენ. შეხვედრის შემდეგ გენერალურმა დირექტორმა ეს მოთხოვნა გააუქმა.