X
მამაკაცს, რომელმაც ტურისტების კარავში შეღწევა და სექსუალური კონტაქტის დამყარება სცადა, ათი თვის ვადით თავისუფლების აღკვეთა მიესაჯა
12:03 / 10-08-2018
ზუგდიდის რაიონულმა სასამართლომ ტობავარჩხილზე დაკავებული მამაკაცის საქმესთან დაკავშირებით პროკურატურის საპროცესო შეთანხმებაზე შუამდგომლობა დააკმაყოფილა. საპროცესო შეთანხმების შედეგად, ბრალდებულს იძულების მცდელობის მუხლი 150-ე მუხლის პირველი ნაწილით შეეცვალა, რაც იძულებას გულისხმობს. სასჯელის სახით კი ათი თვის ვადით თავისუფლების აღკვეთა მიესაჯა, საიდანაც ის სამ თვეს ციხეში გაატარებს, ხოლო შვიდი თვე პირობით მსჯავრს გამოსაცდელი ვადით მოიხდის. აღნიშნული გადაწყვეტილება მოსამართლე შოთა ბიჭიამ მიიღო. დაკავებული ბრალს აღიარებს და ამბობს, რომ დანაშაულს ინანიებს.

შემთხვევა ტობა ვარჩხილზე სამი დღის წინ მოხდა. მამაკაცი ტურისტების კარავში შეღწევასა და სექსუალური კონტაქტის დამყარებას ცდილობდა, თუმცა ტურისტებმა 112-ზე დარეკეს, რის შემდეგაც სამართალდამცველებმა ის დააკავეს. მომხდარზე გამოძიება 19-150-ე მუხლით, იძულების მცდელობის ბრალდებით მიმდინარეობდა.



ბოლო სიახლეები
Autoplay
პოპულარული
პარკირების საათობრივი გადასახადი პირველ ეტაპზე თბილისის ორ რაიონში დაწესდება
"ისიც კადრს მიღმა დგას და იცინის, არ ვაპატიებ არასდროს" - მოულოდნელი სიურპრიზი "პალიტრანიუსის" ეთერში და დაბნეული იუბილარი
სპეცოპერაციის კადრები - როგორ დააკავეს 10-კაციანი დანაშაულებრივი ჯგუფი, რომელმაც ბიზნესმენის შვილი გაიტაცა