კადრები ანაკლიიდან, სადაც ელექტრონული მუსიკის ფესტივალი Echowaves Powered by Exit დაიწყო
ელექტრონული მუსიკის ფესტივალი Echowaves Powered by Exit მიმდინარეობს. ფესტივალის ტერიტორიაზე 5 სცენა მოქმედებს. თავდაპირველად მუშაობა TAIYO Stage-მა დაიწყო. მოგვიანებით კი მთავარ სცენაზე WAVE Stage, პირველი დღის ჰედლაინერი Juan Atkins წარდგა კონსერვატორიის ალტერ ორკესტრთან და Dzijan Emin-თან ერთად. ბილეთების შეძენა უკვე მხოლოდ კარზეა შესაძლებელი - მულტიპასის ღირებულება 200 ლარს შეადგენს, დღიური ბილეთის კი - 90 ლარს. ფესტივალზე 3 სამედიცინო პუნქტი და სასწრაფო დახმარების 4 ეკიპაჟია განთავსებული. სამედიცინო პუნქტები და სასწრაფო დახმარების ეკიპაჟები ადგილზე ფესტივალის დახურვამდე იქნება განთავსებული. ფესტივალი პროექტ Check in Georgia-იას ფარგლებში იმართება და ის 27 აგვისტოს დასრულდება.