დააკავეს მამაკაცი, რომელმაც ვარკეთილში შურისძიების ნიადაგზე, ახალგაზრდა მამაკაცის მოკვლის შემდეგ, მოკლულის ცოლი გაიტაცა - პალიტრა ვიდეო

ვარკეთილში 8 აგვისტოს მომხდარ მკვლელობაში ბრალდებული დაკავებულია. AMBEBI.GE-ს ინფორმაციით, 41 წლის გია ფეიქრიშვილის მკვლელობაში ბრალდებული ახალგაზრდა მამაკაცი ც.გ-ა, რომელიც მიმალვაში იყო და სამართალდამცველები მას მომხდარი მკვლელობის შემდეგ 20 დღის განმავლობაში ეძებდნენ. ბრალდებული ც.გ 29 წლისაა.

შეგახსენებთ, რომ მკვლელობა ვარკეთილში 8 აგვისტოს, საღამოს მოხდა. შსს-ს ინფორმაციით, ვარკეთილი 3-ის პირველი მიკრორაიონის 25-ე კორპუსის სადარბაზოში მკვლელობა ეჭვიანობის ნიადაგზე მოხდა. ბრალდებულმა ცეცხლსასროლი იარაღით 41 წლის მამაკაცს სასიკვდილო ჭრილობა მიაყენა და ასევე, დაჭრა 48 წლის მამაკაცი, რომელსაც სამედიცინო დაწესებულებაში მკურნალობა ჩაუტარდა.



ასევე დაგაინტერესებთ: " ყოფილ შეყვარებულზე შური იძია" - ვარკეთილში მომხდარი სასტიკი მკვლელობის ახალი დეტალები

"დიდი სისხლის გუბე იყო" - რას ამბობენ მეზობლები ვარკეთილში მომხდარ მკვლელობაზე