თუ თანამსესხებელი თქვენი ოჯახის წევრი არ იქნება, ბანკი სესხს არ მოგცემთ - პალიტრა ვიდეო

თუ თანამსესხებელი თქვენი ოჯახის წევრი არ იქნება, სესხს ვეღარ აიღებთ. ამის შესახებ "ფიზიკურ პირებზე სესხების გაცემის შესახებ" ეროვნული ბანკის მიერ შემუშავებულ დებულებაშია აღნიშნული. აღნიშნული რეგულაცია კომერციული ბანკებისთვის 1-ლი ნოემბრიდან, ხოლო სესხის გამცემი სხვა სუბიექტებისთვის 2019 წლის 1-ლი იანვრიდან ამოქმედდება.

აღსანიშნავია ისიც, რომ დოკუმენტის თანახმად, პირი უძრავი ქონებით უზრუნველყოფილი სესხის მიღებას ვერ შეძლებს იმ შემთხვევაში, თუ (მსესხებლის/თანამსესხებლის) გადამხდელუნარიანობის ანალიზი ჩატარებული არ არის და მსესხებელს/თანამსესხებელს ერთზე მეტი საცხოვრებელი უძრავი ქონება არ აქვს. ამასთან, როგორც დოკუმენტშია აღნიშნული, თანამსესხებელი აუცილებლად უნდა იყოს მსესხებლის საოჯახო მეურნეობის წევრი.


ასევე დაგაინტერესებთ: ცვლილებები, რომლებიც სესხის გაცემისა და დაფარვის წესში შედის - რა ვალდებულებები ეკისრებათ ბანკებს 1-ლი ნოემბრიდან?