"აი, ეს მიკროფონი მომაშორეთ..." - ვიქტორ ჯაფარიძე ჟურნალისტის შეკითხვამ გააღიზიანა
მესტიის მაჟორიტარი დეპუტატი, რომელიც მირზა სუბელიანთან ციხეში ჩაწერილ სკანდალურ ჩანაწერებში ფიგურირებს, პრაქტიკულად ადასტურებს ჩანაწერების ავთენტურობას. ის ეჭვქვეშ არ აყენებს ჩანაწერების შინაარსს და ინტერესდება მხოლოდ იმით, რომ საკანში შესული პარლამენტარის ჩაწერა მოხდა. ის ამბობს, რომ ჩანაწერები ციხეში "ნაციონალური მოძრაობის ნარჩენებმა" გააკეთეს. ვიქტორ ჯაფარიძის გაღიზიანება დღეს "რუსთავი 2"-ის მიკროფონის დანახვამაც გამოიწვია.