ვინ იყო 25 წლის ბიჭი, რომელიც ბაკურიანში მომხდარ უბედურ შემთხვევას ემსხვერპლა: "ცოლი აგვისტოში მოიყვანა..."
ბაკურიანში მომხდარ უბედურ შემთხვევას 25 წლის თორნიკე ინატაშვილი ემსხვერპლა. როგორც Ambebi.ge-ს გარდაცვლილის ახლობელი უყვება, ინატაშვილი იქ სატელეფონო კომუნიკაციების გაყვანაზე მუშაობდა, რა დროსაც ერთ-ერთი შენობის სახურავიდან გადმოვარდა და ადგილზე გარდაიცვალა. შემთხვევა გუშინ მოხდა.
"ცოლი აგვისტოში მოიყვანა... თბილისში ცხოვრობდა და სამსახურებრივი მივლინებით ბაკურიანში იყო ჩასული. წარმოშობით რაჭიდან არის, იქ გადაასვენეს მისი ცხედარიც" - გვიყვება გარდაცვლილი ახალგაზრდის ახლობელი.
მომხდარი ტრაგედიის შემდეგ თორნიკე ინატაშვილს მისი მეგობრები და ახლობლები "ფეისბუქზე" იხსენებენ:
"არ მჯერა, რომ ცოცხალი აღარ ხარ, ცრემლები მახრჩობს, ყველაზე კარგები უფალს თავისთან რატომ მიყავს".
"თოკა, ჩემო ძმაო, არ ვიცი, როგორ უნდა შეგელიო, გული მტკივა შენს გამო. მენატრები და მენანები მიწისთვის. რა უნდა ვუთხრათ შენს მშობლებს, მეუღლეს, ძმას, რით ვუთანაგრძნოთ? შენნაირი ადამიანები არ უნდა კვდებოდნენ. ღმერთმა ნათელში ამყოფოს შენი სული, მიყვარხარ და ჩემი ძმა იქნები ყოველთვის".
"დიდი ხანი არ არის, რაც გაგიცანი, მაგრამ ისე ვიყავი შენთან, თითქოს ბავშვობიდან ერთად ვიზრდებოდით. სულ რაჭაზე გელაპარაკებოდი ხოლმე. სიტყვებით ვერ გადმოვცემ თოკო, რამდენად კარგი იყავი. ხასიათი, ადამიანობა, პოზიტიურობა, ყველაფერი, რაც ადამიანს შეიძლება კარგი ჰქონდეს, შენში იყო თავმოყრილი. სულ იცინოდი და სულ კარგ ხასიათზე აყენებდი ყველას. მე სულ ასეთი ღიმილიანი მახსოვხარ. ისე მტკივა გული. სულ შენი სახე მიდგას თვალწინ ჩემო რაჭუკელა ბიჭო".
"კიდევ ერთხელ დავრწმუნდი, რომ ღმერთს თავისთან საუკეთესოები მიყავს. არასდროს ასეთი არაფერი დამიწერია და არც მომწონდა მსგავსი პოსტების წერა, მაგრამ ეს ერთადერთია, რაც ახლა შემიძლია გავაკეთო. ამ ამბის გაგების მომენტიდან შოკში ვარ, გონს ვერ მოვდივარ. ვერ ვიჯერებ და არც მინდა დავიჯერო. ძალიან მაგარი ადამიანი და ჩემი უმაგრესი სიძე წავიდა... სულ ერთი წელია რაც ერთმანეთს ვიცნობთ, მაგრამ ეს ერთი წელი საკმარისი აღმოჩნდა იმისთვის, რომ ოჯახის წევრები გავმხდარიყავით. არ მინდა შენზე წარსულში საუბარი. ჩემი უმაგრესი სიძე იქნები სულ!"
როგორც Ambebi.ge-ს შსს-ს პრესსამსახურში განუცხადეს, მომხდარზე გამოძიება სსკ-ის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
"ცოლი აგვისტოში მოიყვანა... თბილისში ცხოვრობდა და სამსახურებრივი მივლინებით ბაკურიანში იყო ჩასული. წარმოშობით რაჭიდან არის, იქ გადაასვენეს მისი ცხედარიც" - გვიყვება გარდაცვლილი ახალგაზრდის ახლობელი.
მომხდარი ტრაგედიის შემდეგ თორნიკე ინატაშვილს მისი მეგობრები და ახლობლები "ფეისბუქზე" იხსენებენ:
"არ მჯერა, რომ ცოცხალი აღარ ხარ, ცრემლები მახრჩობს, ყველაზე კარგები უფალს თავისთან რატომ მიყავს".
"თოკა, ჩემო ძმაო, არ ვიცი, როგორ უნდა შეგელიო, გული მტკივა შენს გამო. მენატრები და მენანები მიწისთვის. რა უნდა ვუთხრათ შენს მშობლებს, მეუღლეს, ძმას, რით ვუთანაგრძნოთ? შენნაირი ადამიანები არ უნდა კვდებოდნენ. ღმერთმა ნათელში ამყოფოს შენი სული, მიყვარხარ და ჩემი ძმა იქნები ყოველთვის".
"დიდი ხანი არ არის, რაც გაგიცანი, მაგრამ ისე ვიყავი შენთან, თითქოს ბავშვობიდან ერთად ვიზრდებოდით. სულ რაჭაზე გელაპარაკებოდი ხოლმე. სიტყვებით ვერ გადმოვცემ თოკო, რამდენად კარგი იყავი. ხასიათი, ადამიანობა, პოზიტიურობა, ყველაფერი, რაც ადამიანს შეიძლება კარგი ჰქონდეს, შენში იყო თავმოყრილი. სულ იცინოდი და სულ კარგ ხასიათზე აყენებდი ყველას. მე სულ ასეთი ღიმილიანი მახსოვხარ. ისე მტკივა გული. სულ შენი სახე მიდგას თვალწინ ჩემო რაჭუკელა ბიჭო".
"კიდევ ერთხელ დავრწმუნდი, რომ ღმერთს თავისთან საუკეთესოები მიყავს. არასდროს ასეთი არაფერი დამიწერია და არც მომწონდა მსგავსი პოსტების წერა, მაგრამ ეს ერთადერთია, რაც ახლა შემიძლია გავაკეთო. ამ ამბის გაგების მომენტიდან შოკში ვარ, გონს ვერ მოვდივარ. ვერ ვიჯერებ და არც მინდა დავიჯერო. ძალიან მაგარი ადამიანი და ჩემი უმაგრესი სიძე წავიდა... სულ ერთი წელია რაც ერთმანეთს ვიცნობთ, მაგრამ ეს ერთი წელი საკმარისი აღმოჩნდა იმისთვის, რომ ოჯახის წევრები გავმხდარიყავით. არ მინდა შენზე წარსულში საუბარი. ჩემი უმაგრესი სიძე იქნები სულ!"
როგორც Ambebi.ge-ს შსს-ს პრესსამსახურში განუცხადეს, მომხდარზე გამოძიება სსკ-ის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.