ვინ არის და რა ანაზღაურება ექნება "ლიბერთი ბანკის" სამეთვალყურეო საბჭოს ახალ წევრს - პალიტრა ვიდეო

"ლიბერთი ბანკის" აქციების 75%-ზე მეტის მფლობელი აქციონერის - "ჯორჯიან ფაინენშალ გრუპის" გადაწყვეტილებით, ბანკის სამეთვალყურეო საბჭოს ახალი, დამოუკიდებელი წევრი მამუკა წერეთელი გახდა. ის საბჭოს წევრი ოთხი წლის ვადით იქნება.

როგორც განცხადებაშია აღნიშნული, მამუკა წერეთლის ყოველთვიური დარიცხული ხელფასი 3 ათას 750 ამერიკული დოლარი იქნება. ცნობისთვის, წერეთელი ამერიკის შეერთებული შტატების მოქალაქეა.

აღსანიშნავია, რომ ის საქართველოში შპს "თელედას" 36%-იან წილს ფლობს, რომლის საქმიანობის სფეროც ღვინით ვაჭრობა, ღვინის წარმოება, მევენახეობა, მეღვინეობა და ყურძნის გადამუშავებაა.