"ისეთი უსუსურები არიან, რომ ქალაქის მართვა კი არა, ტუალეტის მართვა არ შეუძლიათ" - გოგი წულაია ქუთაისის ბულვარში საპირფარეშოს დაკეტვას აპროტესტებს
ქუთაისის ცენტრალურ ბულვარში არსებული საპირფარეშოს დაკეტვას პარტია "თავისუფალი საქართველო" აპროტესტებს. გოგი წულაიას განცხადებით, წლებია ქალაქში საპირფარეშოების პრობლემაა და არსებულ შენობებს თვითმმართველობა არ უვლის. ცენტრალურ ბულვარში საზოგადოებრივი საპირფარეშო წინა ხელისუფლების დროს გაიხსნა. გაუმართაობის გამო რამდენინე თვის წინ დაიკეტა. მერიაში განმარტავენ, რომ პრობლემის მოსაგვარებლად სამუშაოები მომავალი კვირიდან დაიწყება.