"ჩემი და არის ნაწამები, ნაცემი, დაჭრილი, ხელმოტეხილი, თვალები თითქმის ამოგდებული, ყური მოგლეჯილი" - ხონის ფსიქიატრიულის ექიმებს პაციენტის ცემაში ადანაშაულებენ - პალიტრა ვიდეო

ხონის ფსიქიატრიული დაწესებულების პაციენტი დაზიანებებით კლინიკაშია მოთავსებული. შემთხვევა რამდენინე დღის წინ მოხდა და ექიმები 60 წლის ქალის გადარჩენას ამ დრომდე ცდილობენ.

"ჰოსპიტალ სერვისის" კლინიკაში მოთავსებული ქალის ოჯახის წევრების თქმით, პაციენტს ხონის ფსიქიატრიულ დაწესებულებაში სცემეს. "ჩემი და არის ნაცემი, მოგლეჯილი აქვს ყური და ამ დრომდე კლინიკაშია. ამას ასე არ დავტოვებთ",-აცხადებს პაციენტის და ნინო ბიგვავა.

ხონის ფსიქიატრიულში ცემის ფაქტს კატეგორიულად უარყოფენ და ამბობენ, რომ ქ.ბ.-ს ჰქონდა ელიპეფსიური გულყრები და დაზიანებები წაქცევის შედეგად მიიღო.