მაშველებმა 32 წლის მამაკაცი და ძაღლი გადაარჩინეს, რომლებიც წყლის დონის მომატების გამო, ჭოროხიდან გამოსვლას ვერ ახერხებდნენ
ხელვაჩაურში, სოფელი თხილნარში, მდინარე ჭოროხიდან მეხანძრე-მაშველებმა 32 წლის მამაკაცი და ძაღლი უვნებლად გამოიყვანეს. როგორც "პალიტრა ნიუსს" საგანგებო სიტუაციების მართვის სამსახურიდან აცნობეს, წყლის დონის მომატების შედეგად, მამაკაცი, საკუთარ ძაღლთან ერთად, ხელოვნურად წარმოქმნილ კუნძულზე შემორჩა და ნაპირზე დაბრუნებას ვეღარ ახერხებდა. შემთხვევის ადგილზე მობილიზებული იყო ხელვაჩაურის სახანძრო-სამაშველო ჯგუფი.