პრემიერმა დააზუსტა, როდიდან ჩაერიცხებათ დახმარება სამსახურის გარეშე დარჩენილ პირებს - პალიტრა ვიდეო

საქართველოს მთავრობა პანდემიის გამო უმუშევრად დარჩენილ ადამიანებს 1200 ლარით დაეხმარება 6 თვის განმავლობაში, ანუ თვეში 200 ლარით. ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოსთან არსებული ანტიკრიზისული ეკონომიკური ჯგუფის სხდომაზე, ანტიკრიზისულ-ეკონომიკური გეგმის წარდგენისას განაცხადა.

პრემიერის თქმით, მთავრობისგან ფინანსურ დახმარებას ის ადამიანები მიიღებენ, ვინც სამსახური COVID-19-ის გავრცელებით შექმნილი ვითარების გამო დაკარგა და ოფიციალურად იყო რეგისტრირებული დასაქმებულად. ეს დახმარება 350 000 მოქალაქეს შეეხება.