ბათუმში მშენებლობიდან ჩამოვარდნის შედეგად მუშა გარდაიცვალა - პალიტრა ვიდეო

ბათუმში მშენებარე ობიექტიდან ახალგაზრდა მამაკაცი გადმოვარდა და ადგილზე გარდაიცვალა. შემთხვევა ცოტა ხნის წინ მოხდა.

"ინტერპრესნიუსის" ინფორმაციით, მამაკაცი მშენებლობაზე იყო დასაქმებული. ადგილზე სამართალდამცავები და ექსპერტ-კრიმინალისტები ფაქტს სწავლობენ.

როგორც საქართველოს შინაგან საქმეთა სამინისტროში განაცხადეს, გამოძიება "სისხლის სამართლის კოდექსის" 240-ე მუხლით მიმდინარეობს, რაც სამთო-სამშენებლო სამუშაოებისას ექსპლუატაციის წესების დარღვევას გულისხმობს.

შემთხვევა ბათუმში ახალი ბულვარის ტერიტორიაზე მოხდა.