აია სოფია - აქამდე მუზეუმის სტატუსის მქონე, მსოფლიოს მერვე საოცრებად წოდებული ტაძარი კვლავ მეჩეთად გადაკეთდა. თავდაპირველად თურქეთის სასამართლომ აია-სოფიის მუზეუმის სტატუსი გააუქმა, რამაც ოფიციალურ სტამბულს მეჩეთად გადაკეთების შესაძლებლობა მისცა.

ერდოღანის ამ გადაწყვეტილებამ დასავლეთი აღაშფოთა. ერთი მხრივ, იმიტომ, რომ თურქეთის რესპუბლიკა სეკულარული სახელმწიფოს სახელს ატარებს და მეორე მხრივ, ერდოღანმა კიდევ ერთხელ დაუმტკიცა მსოფლიოს, რომ ის ათა თურქის დასავლური პოლიტიკის გამტარებლად ნაკლებად შეგვიძლია მივიჩნიოთ.

იუნესკომ, რომლის სიაშიც აია სოფიაა შეტანილი, ერდოღანის გადაწყვეტილებაზე საკუთარი პოზიცია გამოხატა.