"ვერ ვიკადრე, რომ ეს სქრინი დამედო... მთელ ეს წელი ხმა არ ამომიღია, ზურა მოვიდა და მითხრა საერთოდ არ დაგეკონტაქტებიო" - ვახო მეგრელიშვლის ვიდეოკონფერენცია "გირჩის" დახურულ ჯგუფში - პალიტრა ვიდეო

"გირჩის" დახურულ ჯგუფში ონლაინ კონფერენცია გაიმართა, სადაც გირჩის 1000-მდე მხარდამჭერი ვახო მეგრელიშვილის მოსაზრებებს უსმენდა, არსებულ ვითარებასთან დაკავშირებით. კონფერენციაში ბოიკოტის ნიშნად არ მონაწილეობს გირჩის ლიდერ ზურაბ ჯაფარიძე.

ვახტანგ მეგრელიშვილის თქმით, ზურა ჯაფარიძე ცდილობდა მის თამაშგარე მდგომარეობაში დატოვებას.

"ნარატივი არის ასეთი, რომ იმ 55 ათასი ხმიდან, რომელიც "გირჩმა" აიღო 50 ათასი ზურას მოტანილია და ამის გამო თქვენ ვინ ჩემი ფეხები ხართ, ხმას რატომ იღებთ საერთოდ, ამის სჯერათ და ამაში ზურას არწმუნებს მისი უშუალო რაღაცნაირი გარემო, რომელთანაც ჩვენ დიდი ხანია გვაქვს იზოლაცია, ანუ ზურას გარშემო რა ხდება კაცმა არ იცის" -აცხადებს ვახტანგ მეგრელიშვილი.

წყარო: "რუსთავი 2"