"ვიცი, საშინელებაა, მაგრამ მას შემდეგ ვერ მივდივარ იქ" - რატომ ვეღარ გადის ვახო სანაია ძმის საფლავზე - პალიტრა ვიდეო

ჟურნალისტი ვახო სანაია გარდაცვლილი ძმის, გიორგი სანაიას ფოტოს აქვეყნებს და წერს, რომ მისი გარდაცვალებიდან 20 წელი გავიდა, მაგრამ რამდენიმე თვის წინ ბევრი რამ შეიცვალა:

„კიდევ ერთი 26 ივლისი მოვიდა. ყველაზე მძიმე დღე ჩვენი ოჯახისთვის. გიორგის მკვლელობის დღე. 20 წელი გავიდა.

სამწუხაროდ, ვერ გავალ საფლავზე, რადგან გიორგის გვერდით რამდენიმე თვის წინ მამაჩემი დავკრძალეთ, რომლის სიკვდილს ვერაფრით შევეგუე. ვიცი, საშინელებაა, მაგრამ მას შემდეგ ვერ მივდივარ იქ. ვერ ვიპოვე ძალები. ალბათ ოდესმე შევძლებ“, - წერს ვახო სანაია.