გიგი უგულავა - გამარჯვებას წინ არაფერი უდგას, ვანელები და ხონელები პირველ "წითელ ბარათს" მისცემენ "ქართულ ოცნებას"
ხონში ევროპული საქართველოს მაჟორიტარობის კანდიდატმა, გიგი უგულავამ, თავისი არჩევანი უკვე გააკეთა. მან ხმა ხონში, N3 საარჩევო უბანზე მისცა. ხმის მიცემის შემდეგ მან ჟურნალისტებთან განაცხადა, რომ დღეს მმართველი პარტია დამარცხდება.
შეგახსენებთ, რომ დღეს ვანისა და ხონის საარჩევნო ოლქში პარლამენტის შუალედური არჩევნები იმართება. შუალედური არჩევნების ჩატარების აუცილებლობა მას შემდეგ დადგა, რაც ყოფილი მაჟორიტარი, გრიგოლ ლილუაშვილი, სახელმწიფო უსაფრთხოების სამსახურის უფროსის მოადგილედ დაინიშნა.