ბაკურიანი და გუდაური 2023 წლის მსოფლიო ჩემპიონატს უმასპინძლებს - პალიტრა ვიდეო

"საქართველო თავისუფალი სტილით სრიალში თხილამურსა და სნოუბორდში 2023 წლის მსოფლიო ჩემპიონატის მასპინძელი ქვეყანა გახდა", - ამის შესახებ წერს საქართველოს პრემიერ-მინისტრი გიორგი კვირიკაშვილი "ფეისბუქის" ოფიციალურ გვერდზე.

გადაწყვეტილება სულ რამდენიმე წუთის წინ გახდა ცნობილი. თავად კენჭისყრა კი საბერძნეთის კურორტ კოსტა ნავარინოში, საერთაშორისო სათხილამურო ფედერაციის (FIS) მიერ ორგანიზებულ 51-ე საერთაშორისო სათხილამურო კონგრესზე ჩატარდა.

"ჩემპიონატი ბაკურიანსა და გუდაურში ჩატარდება", - განაცხადეს კენჭისყრისას.

როგორც ცნობილია, საქართველომ მსოფლიო ჩემპიონატის საქართველოში ჩატარებაზე განაცხადი 2017 წელს შეიტანა.