ექსკლუზიური კადრები: ერთ-ერთი ფიტნეს კომპანიის ხელმძღვანელი, რომელსაც 3 დღე ეძებდნენ, პოლიციამ თხრილში იპოვა
32 წლის მამაკაცს, რომელსაც ოჯახის წევრები სამი დღის განმავლობაში ეძებდნენ, პოლიციის თანამშრომლებმა დიღმის მასივში არსებულ მიტოვებულ ტერიტორიაზე, წყლით სავსე თხრილში მიაკვლიეს. "პალიტრავიდეოს" ინფორმაციით, იგი ერთ-ერთი ფიტნეს კომპანიის დირექტორია. სამართალდამცველებმა ის თხრილიდან უვნებლად ამოიყვანეს. ამოსაყვანად საჭირო გახდა სამაშველო სამსახურის გამოძახებაც.
ჩვენი ინფორმაციით, მამაკაცის დაკარგვის შესახებ ინფორმაცია გლდანი-ნაძალადევის სამმართველოში 20 ივნისს შევიდა. პოლიციას ახალგაზრდა ქალმა მიმართა და აცნობა, რომ მისი მეუღლე 18 ივნისს, დაახლოებით 14:00 საათზე, გავიდა სახლიდან და არარ გამოჩენილა. ქალბატონის ინფორმაციით, მის მეუღლეს გამორთული ჰქონდა მობილური ტელეფონი და მასთან დაკავშირებას ოჯახი და მეგობრები ორი დღის განმავლობაში ვერ ახერხებდნენ.
პოლიციის თანამშრომლების მიერ გატარებული ოპერატიულ - სამძებრო ღონისძიებების შედეგად გაირკვა, რომ დაკარგული მამაკაცი 18 ივნისს საღამოს საათებში ბელიაშვილის ქუჩაზე იმყოფებოდა. პოლიციის მიერ გარე სათვალთვალო კამერების ჩანაწერის გადამოწმებით მისი კვალი ბელიაშვილის ქუჩიდან გაურკვეველი მიმართულებით ქრებოდა. პოლიციამ მისი ბოლო ადგილსამყოფელის მიმდებარე უბნებში და დაუსახლებელ ტერიტორიაზე ინტენსიურად განაგრძო ძებნის ღონისძიებები. სამართალდამცველებმა მას 22 ივნისს მიაკვლიეს.
ჩვენი ინფორმაციით, მამაკაცის დაკარგვის შესახებ ინფორმაცია გლდანი-ნაძალადევის სამმართველოში 20 ივნისს შევიდა. პოლიციას ახალგაზრდა ქალმა მიმართა და აცნობა, რომ მისი მეუღლე 18 ივნისს, დაახლოებით 14:00 საათზე, გავიდა სახლიდან და არარ გამოჩენილა. ქალბატონის ინფორმაციით, მის მეუღლეს გამორთული ჰქონდა მობილური ტელეფონი და მასთან დაკავშირებას ოჯახი და მეგობრები ორი დღის განმავლობაში ვერ ახერხებდნენ.
პოლიციის თანამშრომლების მიერ გატარებული ოპერატიულ - სამძებრო ღონისძიებების შედეგად გაირკვა, რომ დაკარგული მამაკაცი 18 ივნისს საღამოს საათებში ბელიაშვილის ქუჩაზე იმყოფებოდა. პოლიციის მიერ გარე სათვალთვალო კამერების ჩანაწერის გადამოწმებით მისი კვალი ბელიაშვილის ქუჩიდან გაურკვეველი მიმართულებით ქრებოდა. პოლიციამ მისი ბოლო ადგილსამყოფელის მიმდებარე უბნებში და დაუსახლებელ ტერიტორიაზე ინტენსიურად განაგრძო ძებნის ღონისძიებები. სამართალდამცველებმა მას 22 ივნისს მიაკვლიეს.