მესხური კულტურის გამოფენა და "მწნილისა და მურაბების ფესტივალი" ახალციხეში - პალიტრა ვიდეო

მესხური კულტურა, ფოლკლორი, ხალხური რეწვის ნიმუშები და კვების პროდუქტები - ახალციხემ "მესხურ ფესტივალს" წელს მეორედ უმასპინძლა.

მესხური ფესტივალის ფარგლებში "მარნეულის სასურსათო ქარხნის" "მწნილისა და მურაბების ფესტივალიც" შედგა, სადაც სტუმრებს უგემრიელესი ნაწარმის დაგემოვნება და სპეციალურ ფასად შეძენა შეეძლოთ.

"მარნეულის სასურსათო ქარხანა" "მწნილისა და მურაბების ფესტივალს" საქართველოს 10 დიდ ქალაქში გამართავს (7 სექტემბერს - გორი, 13 სექტემბერს - ოზურგეთი, 14 სექტემბერს - ზუგდიდი, 20 სექტემბერს - სამტრედია, 21 სექტემბერს - ქუთაისი, 27 სექტემბერს - გურჯაანი, 28 სექტემბერს - თელავი უმასპინძლებს). ფესტივალი, ტრადიციულად, ოქტომბრის დასაწყისში, "თბილისობის" დღესასწაულზე დასრულდება.

ავტორები: სალომე შიხაშვილი, გიორგი ღუდუშაური