X
საქართველოში დაკავებულ უკრაინის მოქალაქეს, ირინა სავიცკაიას ადვოკატი და ლტოლვილთა სამინისტროს წარმომადგენლები შეხვდნენ
13:54 / 30-08-2017
საქართველოში დაკავებულ უკრაინის მოქალაქეს, ირინა სავიცკაიას ადვოკატი გიორგი კონდახიშვილი და ლტოლვილთა და განსახლების სამინისტროს წარმომადგენლები შეხვდნენ.

სამინისტროს წარმომადგენლის, ია პოზოვის განმარტებით, ჩატარდა კანონით გათვალისწინებული გასაუბრების პროცედურა, რომელიც ბოლო ეტაპია გადაწყვეტილების მიღებამდე. თავშესაფრის მინიჭების შესახებ გადაწყვეტილებას კი ლტოლვილთა და განსახლების სამინისტრო 31 აგვისტოს მიიღებს.

შეხვედრის პარალელურად, რუსთავის მეხუთე კოლონიასთან, სადაც ირინა სავიცკაიაა მოთავსებული, ახლობლები და ოჯახის წევრები შეიკრიბნენ. ისინი ირინა სავიცკაიას გათავისუფლებას და საქართველოში პოლიტიკური თავშესაფრის მინიჭებას მოითხოვდნენ. ირინა სავიცკაიას მეუღლის, დიმიტრი სავიცკის განმარტებით, ირინა სავიცკაია უკანონოდ არის დაპატიმრებული და უკრაინაში მისი ექსტრადირების შემთხვევაში მის სიცოცხლეს საფრთხე ემუქრება.

ირინა სავიცკაიას ადვოკატი თბილისის საქალაქო სასამართლოსთვის მიმართვას დღეს გეგმავს. ის საექსტრადაციო პატიმრობის ნაკლებად მკაცრი აღკვეთის ღონისძიებით შეცვლას მოითხოვს. გიორგი კონდახიშვილის განმარტებით, ირინა სავიცკაია ამჟამად საკმაოდ მძიმე მორალურ და ფსიქოლოგიურ მდგომარეობაშია და დანიშნული აქვს მედიკამენტოზური მკურნალობა.

ირინა სავიცკაია სამართალდამცველებმა მიმდინარე წლის 30 ივნისს ქალაქ ბათუმში დააკავეს. ის სადისტრიბუციო კომპანია „leader distribution”-ის ბუღალტერია, ამასთანავე, არის უკრაინაში მოქმედი ოპოზიციური რადიკალური პარტიის აქტივისტი და სახალხო დეპუტატის, სერგეი რიბალკას მეგობარი. უფლებადამცველები არ გამორიცხავენ, რომ უკრაინის ხელისუფლებას სწორედ რიბალკას დისკრედიტაციისთვის სურთ სავიცკაიას გამოყენება. უკრაინის გენერალური პროკურატურა საქართველოს ხელისუფლებისგან სავიცკაიას ექსტრადირებას მოითხოვს.
ბოლო სიახლეები
Autoplay
პოპულარული
"ამ კაცმა გვესროლა იარაღი!" - რა მოჰყვა სოციალურ ქსელში გავრცელებულ ვიდეოს
სტეფანეს ახალი კლიპი, რომელსაც სკანდალი მოჰყვა - რაში ამხელენ მომღერალს
პატარძლისა და მამამისის ცეკვა ქორწილში - ვიდეო, რომელსაც მილიონობით მნახველი ჰყავს, ნამდვილად გაგამხიარულებთ
როგორ ელოდებოდა ჰარი საცოლეს - ემოციური კადრები ქორწილიდან   
"სად არის ჩემი ლიფი, ეს წარმოუდგენელია" - რა მოხდა ამერიკულ "ნიჭიერში"?   
წარმოგიდგენთ ხელოვნების ცნობილი ძეგლების 6 საიდუმლოს