X
ყირგიზეთის ექსპრეზიდენტი ალმაზბეკ ატამბაევი სპეცრაზმმა აიყვანა
22:20 / 07-08-2019
ყირგიზეთის ექსპრეზიდენტი ალმაზბეკ ატამბაევი სამართალდამცველებმა დააკავეს. „რია ნოვოსტის“ ინფორმაციით, ამის შესახებ ექსპრეზიდენტის მომხრეებმა განაცხადეს.

მანამდე გავრცელებული ინფორმაციით, სოფელ კოი-ტაშში, სადაც ატამბაევი ცხოვრობს, სპეცოპერაცია დაიწყო. რეზიდენციაში სპეცდანიშნულების რაზმი შევიდა და ისმოდა სროლის ხმები.

ატამბაევის მრჩევლის კუნდუზ ჟოლდუბაევას განცხადებით, სპეცოპერაციის შედეგად არიან დაჭრილებიც. ექსპრეზიდენტის რეზიდენციის ირგვლივ მილიციის რამდენიმე ასეული თანამშრომელია მობილიზებული.

რეზიდენციაზე შტურმის შედეგად დაშავებული ადამიანების რაოდენობა 10-ს აჭარბებს.

ყირგიზეთის პარლამენტმა 20 ივნისს ქვეყნის პროკურატურას ექსპრეზიდენტის წინააღმდეგ ბრალდებების ნუსხა გადასცა, რომელთა შორის, ატამბაევს კორუფციაშიც სდებენ ბრალს. ატამბაევმა პარლამენტის ბრალდებებს აბსურდული უწოდა.

ალმაზბეკ ატამბაევი ყირგიზეთის პრეზიდენტის პოსტს 2011-2017 წლებში იკავებდა.
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა