კურილის კუნძულებზე 7,3 მაგნიტუდის მიწისძვრა მოხდა, გამოცხადებულია ცუნამის საფრთხე - პალიტრა ვიდეო

რუსეთში, კურილის კუნძულებზე 7,3 მაგნიტუდის სიმძლავრის მიწისძვრა მოხდა. გამოცხადებულია ცუნამის საფრთხე, - ამის შესახებ ინფორმაციას "რია ნოვოსტი" ავრცელებს.

სააგენტოს ცნობით, მიწისძვრა პეტროპავლოვსკ-კამჩატსკიდან 500 კილომეტრში მოხდა. კამჩატკის ოთხ რაიონში მოსახლეობამ დაახლოებით 5 ბალამდე სიმძლავრის ბიძგები იგრძნო.

მიწისძვრის ეპიცენტრი ონეკოტანის კუნძულიდან 228 კილომეტრში დაფიქსირდა.

გავრცელებული ინფორმაციით, პარამუშირის კუნძულიდან მოსახლეობის ევაკუაცია დაიწყო.