სამაშველო ვერტმფრენი პლაჟთან ახლოს, ტურისტების თვალწინ ჩამოვარდა
სამაშველო ვერტმფრენი, კოპაკაბანას პლაჟთან ახლოს, ერთ-ერთი დამსვენებლის გადარჩენის ოპერაციას ატარებდა, როცა პილოტმა საჭე ვეღარ დაიმორჩილა და წყალში ჩავარდა. შემთხვევის თვითმხილველი ათასობით ადამიანი გახდა, რომლებიც პლაჟზე იმ დროს იმყოფებოდნენ. ეკიპაჟის ოთხივე წევრი, ისევე, როგორც მოცურავე, რომლის გადარჩენის ოპერაციისას ვერტმფრენი ჩამოვარდა, შემთხვევის შედეგად უვნებლად გადარჩნენ. ვერტმფრენი წყლიდან სამაშველო სამსახურმა ამოიყვანა.