რუსეთის დუმასთან გეიების "საპროტესტო კოცნის" აქცია დაარბიეს - პალიტრა ვიდეო

მოსკოვში, რუსეთის დუმის შენობასთან, ჰომოსექსუალმა დემონსტრანტებმა "საპროტესტო კოცნის" აქცია გამართეს. მათ ამ ფორმით საკანონმდებლო ორგანოში "გეი-პროპაგანდის აკრძალვის შესახებ" კანონის განხილვა გააპროტესტეს.

ჟურნალისტებსა და "საპროტესტო კოცნის" აქციის მონაწილეებს ათამდე ადამიანი დაესხა თავს და ფიზიკურად გაუსწორდა. როგორც რუსული მედია იუწყება, თავდამსხმელებს შორის ერთ-ერთი იყო მართლმადიდებელი აქტივისტების ჯგუფის ცნობილი წევრი დმიტრი ენტეო.