მაჰმუდ აჰმადინეჯადს ქვეყნის პირველი კოსმონავტობა სურს
ირანის პრეზიდენტმა, მაჰმუდ აჰმადინეჯადმა, სურვილი გამოთქვა თავისი ქვეყნის პირველი კოსმონავტი გამხდარიყო. მან განცხადება მას შემდეგ გაკეთა, რაც წინა კვირას ირანმა კოსმოსში ცოცხალი არსება, მაიმუნი, წარმატებით გაუშვა და უკანაც ცოცხალი დააბრუნა. 2011 წელს მან ირანელ ხალხს პირობა მისცა, რომ ქვეყნის კოსმოსური საგენტო პირველ ირანელს კოსმოსში 2019 წელს გაუშვებს, თუმცა, მის სურვილზე, თავად ყოფილიყო პირველი ირანელი ასტრონავტი, მაშინ არავინ იცოდა.