რომის პაპმა 12 პატიმარს ფეხები დაბანა
ახლად არჩეულმა რომის პაპმა ფრანცისკმა სააღდგომო დღესასწაულისთვის დაგეგმილი ღონისძიებები არასრულწლოვანი პატიმრებისთვის განკუთვნილ ციხეში დაიწყო. კათოლიკური სამყაროს ლიდერმა 12 პატიმარს ფეხები დაბანა და აკოცა. რიტუალში ორი მუსლიმანი ქალიც იღებდა მონაწილეობას. რიტუალის დაწყების წინ პაპმა ახალგაზრდებს მიმართა: "მას, ვისაც ყველაზე მაღალი პოსტი უჭირავს, სხვებს უნდა ემსახურებოდეს. ეს არის სიმბოლო, ეს არის ნიშანი. ის, რომ მე თქვენ ფეხებს გბანთ, ნიშნავს, რომ თქვენს სამსახურში ვარ".